CAGAYAN DE ORO CITY-Nasikop sa PDEA-10 ang magsoong lalaki nga anak sa retired police colonel sa magkalahi nga pinuy-anan diha sa Brgy Gusa sa syudad.
Maoy nasikop si kanhi police officer nga karon San Miguel Brgy Kagawad Russel Dagalangit didto sa Quiapo City ug si Orly Dagalangit nga pulos nagpuyo sa Brgy Gusa ning syudad.
Si PDEA regional director Adrian Alvariño nga pulos high value targets ang magsoon hinungdan gisikop sila ubos sa mando ni Regional Trial Court Branch 18 Executive Judge Dennis Alcantar.
Nakuha gikan sa mga suspek ang 50 gramos sa gitoohang shabu,duha ka armas kuyog ang mga bala ug bank passbook nga may unod nga minilyong transaction.
Nasikop ang duruha mismo sa atubangan sa ilang amahan nga si retired Police Supt Arthur Dagalangit kinsa kanhi nadestino sa Camp Alagar diin nakabase ang regional headquarters sa PNP-10.
Samtang gikusayaan hinungdan nga gipadakop sila sa mga operatiba sa PDEA-10 diha sa Brgy Gusa sa syudad.
Kini ang tubag sa usa sa mga suspek nga si Orly sa dihang nabawi kanila ang 50 gramos nga gitoohang shabu,mga armas ug bank passabook.
Si Dagalangit miingon nga dili tinood ang pasangil nga namaligya sila’g shabu apan nasuta nga minilyong transaction ang nalatid sa passbook nga nakuha sa mga otoridad gikan kanila.
Giangkon sa mga dinakpan nga tiggamitan usab sila’g droga ilabina si kanhi police officer San Miguel Brgy Kagawad Dagalangit.
Namahayag usab si Alvariño nga dili pa luwas sa posibleng tulubagon si retired police Dagalangit sa pagkasikop sa iyang duha ka anak nga gitratar nga high value targets sa pagpayuhot sa gidiling droga dinhi sa nasud.
Kini human nakuhaa’g 50 gramos nga gitoohang shabu,mga armas ug drug paraphernalia ang magsoong Orly ug Russel Dagalangit diha sa Brgy Gusa sa syudad.
Si Alvariño miingon nga hinoon mas pokus nila sa pag-imbestigar ang magsoon ilabina si Russel nga kanhi police officer ug kasamtangang kagawad sa Brgy San Miguel,Quiapo City,Manila.
