Human makontrolar ang sunog sa Brgy Lapasan, laing sunog ang natala sa District 6 Block 3 Brgy Puntod, ning syudad.
Gikompirmar ni Fire Inspector Mary Ranelie Salga, Chief Admin sa Intellgence and Investigation Branch sa Cagayan de Oro Fire District nga nadawat nila ang tawag 10:21 sa gabie, busa paspas ang pagresponde sa ilang bombero gikan sa sunog sa Brgy Lapasan.
Gisaka dayon sa 3rd alarm ang sunog, nga midamyos sa bana-bana P350,000, human tolo ka balay ang totally damaged, ug usa ang parsyal nga nasunog.
Hinoon, paspas nga nakontrolar ang kalayo sa pagka alas 10-51 sa gabie.
Duha ka tawo ang narespondehan sa BFP Special Rescue Force ug BFP Emergency Medical Service human si Jake Berondo nakadawat sa 1st degree burn sa iyang wala nga bukton, ug gitabang si Ruel Ondiano dihang nawad-an sa panimoot.
Ang duha ka biktima gihatud sa Northern Mindanao Medical Center.
Blangko pa ang mga otoridad sa hinungdan sa sunog.
