CAGAYAN DE ORO CITY – Dili masabot sa amahan ang iyang gibati nga wala na’y tsansa nga ikauban pa niya’g dugay’ng panahon ang 2 anyos nila nga anak-lalaki sa Zone 10,Sitio Calaanan, Brgy Canitoan ning syudad.
Kini human disgrasyang natugpahan sa ininit nga tubig ang lawas sa bata samtang kutawan unta sa amahan sa gatas aron dunay mainom.
Apan wala damha nga kalit nakuhitan sa bata ang tubig-init kay may gikuha pa nga laing butang ang amahan hinungdang wala gilayon niini mabantayi.
Matud ni Canitoan Punong Brgy Lance Padla gilayong mi-responde ang iyang mga sakop aron pagdala sa bata sa ospital apan wala na kini makaantos rason nga dead on arrival na.
Nagpatulo na lang sa ilang mga ulaha ang kabanay sa biktima gumikan sa wala damha nga panghitabo.
