CAGAYAN DE ORO CITY-Wala mahimoot si kanhi Senate Pres Nene Pimentel Jr sa pagyaga-yaga ni Presidential Communications Asst Sec Mocha Uson sa hisgutanan sa pederalismo sa nasud.
Kini human gihimua’g interpretasyon ni Mocha kuyog ang kauban niini nga online blogger diin nag-sentro sa law-ay nga termino sa pribadong bahin sa usa ka babaye.
Miingon si Pimentel kinsa miembro usab sa Charter Change Consultative Committee nga angay dili mag-apil apil si Unson sa hisgutanan sa pederalismo kon wala kini hibangkaagan.
Mas maayo pa nga mismo ang taga-Cha-Cha ConCom members ang mangunay pagpasabot niini itandi kang Uson nga klaro nga wala kasabot sa iyang gipanulti.
