CAGAYAN DE ORO CITY-Napanalipdan sa militar batok sa duha ka pag-atake sa rebeldeng New People’s Army o NPA ang Cafgu detachments sa lungsod sa Magsaysay,Misamis Oriental.
Kini human unang gipaulana’g mga bala sa mga sakop sa Guerilla Front Committee 4 A sa NPA ang military detachments sa Brgy Tama ug Brgy Tibon-Tibon sa maong lungsod.
Miingon si 4th ID spokesperson 1Lt Tere Ingente nga igo ra nagpabuto ang mga rebelde distansiya sa detachments kay posibleng nahadlok sa pagbalos sa mga sundalo.
Dugang ni Ingente nga gihimo lamang sa NPA ang nuissance harassments aron ipatoo nga naglihok pa gihapon kini sa esteng bahin sa lalawigan.
Walay natala nga sundalo o rebelde nga namatay nunot sa maong hitabo sa miaging adlaw.
