CAGAYAN DE ORO CITY- Gi-harass sa gitoohang rebeldeng New Peoples Army ang army detachment nga nahimutang sa may Palo, Barangay Indango,Gingoog City,Misamis Oriental.
Matud ni Supt Ariel Philip Pontillas, hepe sa Gingoog City Police Station milungtad sa 25 ka minutos ang
sinukliay sa bala tali na sa mga armado ug sundalo.
Apan gikompirmar niini nga walay namatay o naangol sa panig sa mga sundalo.
Samtang nagpadayon usab ang imbestigasyon sa Claveria Municipal Police Station kalabot sa pagpangharass sa mga rebelde sa Minalwang,Claveria ning lalawigan.
Matud ni SP04 Mitosali Anonas sa Claveria Police Station nga gipaulanan sa bala sa armado ang patrol base sa mga sundalo nga temporaryong gipuy-an sa CAFGU members.
Imbestigaran pa sa mga pulis kon may naangol sa gihimong pagpangharass sa mga rebelde.
