CAGAYAN DE ORO CITY-Gisulong sa rebeldeng New People’s Army o NPA ang duha ka army detachments sa lungsod sa Impasug-ong,Bukidnon.
Nagkasinukliay sa mga bala ang 8th IB,Philippine Army ingon man sa Cafgu members batok sa wala matino nga ihap sa mga rebelde kagahapon sa kadlawon.
Gibutyag ni 1Lt Erwin Bugarin,hepe sa civil military operation sa 8th IB nga miluntad sa pipila ka gutlo ang binayluay sa mga bala hinungdan nga nailog makadyot ang army detachment.
Gilayong mihimo’g reinforcement ang 4th ID,Philippine Army hinungdan nga naka-sibog ang mga rebelde.
Nagdumili pa si Buragin sa pagkompirmar kon may sundalo nga namatay o nakalas atol sa engkuwentro.
