CAGAYAN DE ORO CITY – Naghiusa paglusad sa pursuit operation ang militar ug kapolisan batok sa giingong grupo sa Dawlah Islamiyah nga gidudahang responsable pag-ambush patay sa duha ka sakop sa intelligence army officers nga sakop sa 51st IB,Philippine Army sa Brgy Old Poblacion,Munai,Lanao del Norte.
Giila ni PRO 10 spokesperson Maj. Joann Navarro ang mga namatay’ng sundalo nga sila Staff Sgt Raul Pabuaya ug Staff Sgt Murphy de los Santos nga pulos nagbato nsa mga igo sa ulo gikan sa mga tag-as nga armas nga gigamit sa mga responsable sa kremin.
Namahayag si Navarro nga gihimuan na usab sa pakisusi sa mga imbestigador ilabina nga naka-eskapo gikan sa ambush si Army Staff Sgt Joenihper Etol aron makasaysay sa hitabo.
Una niini,gikan sa ilang headquarters sa Lanao del Sur ang mga biktima ug padulong unta sa Lanao del Norte sakay sa ilang mga motorsiklo dihang giatangan sila sa unom ka armado sa Sitio Boniyawa,Brgy Old Poblacion hinungdan sa dugu-ong hitabo.
