CAGAYAN DE ORO CITY -Nadakpan sa PDEA-10 ang duha ka suspected drug pushers sa simultaneous buy bust operations sa Brgy Balulang ug Brgy Carmen ning syudad.
Miingon si PDEA agent Ben Calibre nga unang nadakpan si Baisanie Sangcopan Lucman,29 anyos,minyo ug nagpuyo sa Mabasa,Carinugan,Brgy Balulang sa syudad.
Gilayong nasikop usab si Bairona Macarampat Lucman,22 anyos,minyo ug nagpuyo sa Phase 1, Area 2, Macanhan, Carmen sa dakbayan.
Nabawi gikan sa magkalahing operasyon sa mga suspek ang balor 13-mil pesos nga suspected shabu.
Kasuhan ang mga suspek sa piskalya sa pagsupak sa pagbaligya’g gidiling droga ning syudad ning adlawa.
