CAGAYAN DE ORO CITY – Nagsinumbagay ang duha ka barangay kagawad sa konseho sa Brgy Cugman ning syudad sa misming adlaw sa State of the Nation Address kon SONA ni Presidente Rodrigo Duterte.
Kini ang gikompirmar ni Kapitan Wendelyn Escobia sa Bombo Radyo ubos sa programang Bombo Hanay Bigtime.
Namahayag si Kap. Escobia nga samtang mihimo sila sa ilang regular nga sesyon, kalit nga gi-kuwelyohan ni Kagawad Mario Diaz si Kagawad Elmer Cotiamco.
Hinungdan nga nasumbagan ni Cotiamco si Diaz nga usa ka PWD.
Una niini, gibutyag ni Kapitan Escobia nga napikon si Kag. Diaz human nagpakatag sa tsismis si Kag Cotiamco batok kaniya.
Milanding sa bahug-bahog sa kinuno ang ilang sesyon tungod sa personal nga bangi sa duruha.
