CAGAYAN DE ORO CITY, Philippines – Gi-isyuhag subpoena sa senate committee on environment, natural resources, and climate change ang duha ka negosyante nga nanag-iya sa barko nga maoy hinungdan sa lapad nga oil spill sa Bataan ug silingang mga coastal barangays sa Central Luzon Region.
Pinaagi sa mosyon ni Senador Cynthia Villar, committee chairman sa hearing, iyang gipatawag sila Mr. Rominick Ponesta, tag-iya sa MTKR Jason Bradley, ug Mary Jane Obaldo, tag-iya sa MV Mirola 1.
Mipasidaan si Villar nga mapugos ang senado sa pagpatadok sa mga akusado kung sublion ang pagliban sa gilusad nga hearing kagahapon. Una niini, nasang-at na ang class suit batok sa tolo ka nanag-iya sa barko sa Department of Justice.
