CAGAYAN DE ORO CITY – Giila nga bigtime suppliers sa illegal nga droga sa syudad ang nadakpang sa PDEA-10 nga duha ka top most wanted drug target listed personalities diha sa Sitio Balongis,Brgy. Balulang ning syudad.
Miingon si PDEA regional director Wilkins Villanueva nga nagtago sa Marawi City ang mga suspek nga sila si Jalilah Itomama alyas Pidao Macaondot Itomama ug Divina Sumagayan alyas Diding nga pulos anaa sa targetlisted drug personalities sa syudad.
Sila nadakpan pinaagi sa search warrant diin nakuha sa posisyon ni Itomama ang 9 ka sachets sa shabu nga nagkantidad sa 102,000.00.
Samtang 8 ka sachets sa shabu nga nagkantidad sa 102,000.00 ang nakuha sa posisyon ni Sumagayan.
Detinado na sa PDEA cell ang mga suspetsado.
Samtang gipanghimakak sa usa sa mga dinakpan nga si Itomama ang pasangil sa PDEA nga sila ang supplier sa druga sa syudad.
Sumala sa giilang “number 8 targetlisted drug personality” nga dili siya magpuyo sa syudad kon adunay kamatooran ang alegasyon sa PDEA nga supplier sila sa droga.
Gipanghimakak usab sa suspek nga ilang gipanag-iyahan ang 17 ka sachets sa shabu nga nakuha sa ilang posisyon atol sa operasyon.
Hisayran nga usa sa mga dinakpan nga si Divina Sumagayan ang giingong benepisyaryo sa 4P’s.
