CAGAYAN DE ORO CITY-Naka-sentro ang dako nga pahak sa kapin 2 bilyon pesos nga annual provincial budget sa social services alang sa katawhan sa Misamis Oriental sa tuig 2018.
Kini human aprobahi sa Sangguniang Panlalawigan ang gipangayo nga pondo ni Governor Bambi Emano alang sa sunod tuig.
Gibutyag ni Vice Governor Joey Peleaz nga sulod sa social services, ang sektor sa panglawas ang adunay nahatagan sa dakong pondo.
Miingon si Pelaez nga dali nila gi-aprobahan ang maong pondo tungod kay nagpabiling klaro ang katuyuan niini alang sa katawhan sa lalawigan.
