CAGAYAN DE ORO CITY-Napasaka na ang kasong paghupot sa gidiling droga ug klase-klaseng armas ingon man mga bala batok sa duha ka aktibong brgy kapitan nga nakabase sa Tangub City,Misamis Occidental.
Kini human unang nasikop sa joint operation sa PDEA-10 ug CIDG-10 subay sa mando ni RTC Branch 16 Executive Judge Sylvia Singidas-Machacon si Silangit Brgy Kap Domel Retuya sa maong syudad.
Gibutyag ni PDEA agent Ben Calibre nga nakompiskar 60-mil pesos nga balor sa gitoohang shabu,improvised M-16 rifle,caliber pistol ingon man ang mga bala niini.
Atubangon usab sa naka-eskapo nga si San Brgy Pedro Kap Rommel Alferez ang susamang kaso diin nakompiskar gikan kaniya ang 50-mil nga balor sa suspected shabu ingon man MK2 fragmentation grenade.
Nasayran nga gidala pa sa PDEA si Retuya ning syudad aron ipaubos sa eksaminasyon dihang nasikop kini niadtong Huwebes sa kadlawon.
