CAGAYAN DE ORO CITY- Nag-atubang sa license suspension o license revocation ang duha ka bus driver nga nagpositibo sa paggamit sa ilegal nga droga sa gilusad nga “Operasyon Huli Week” sa Philippine Drug Enforcement Agency o PDEA-10 dinhi sa syudad.
Sumala ni PDEA agent Ben Calibre nga anaa sa 203 ka bus drivers, 98 ka conductors ug 10 ka empleyado sa duha ka terminal sa lungsod ang ilang gipaubos sa suprise drug testing niadtong adlaw’ng Lunes.
Asoy niini nga gihimo kini sa ilang ahensiya aron maseguro nga luwas ang mga pasahero nga mopauli sa ilang mga lugar ning Mahal nga Adlaw.
Sa pagkakaron,gisalig na lamang sa PDEA-10 sa Land Transportation Office ug Land Franchising Regulatory Board ang pagpahamtang silot sa mga driver nga nagpositibo sa paggamit sa illegal nga droga.
