Gikompirmar sa United Kingdom Maritime Trade Operations (UKMTO) nga na hijacked ang usa ka cargo vessel duol sa Garacad, Somalia, mga unom ka nautical miles gikan sa baybayon.
Ang barko gidala sa gitoohang mga pirata padulong sa Somali territorial waters.
Sa laing insidente, usa ka tanker nga adunay ngalan Honour 25 nga adunay 17 ka tripulante ug nagdala sa 18,500 ka barrelis sa lana padulong sa Mogadishu, gihijack ug gidala sulod sa Somali waters, mga 77 ka nautical miles ang gilayo.
Ang pagkawala sa lana mahimong makagrabe sa kakulang sa gasolina sa Mogadishu, diin ang presyo misaka tungod sa tensiyon sa Middle East.
Ang UKMTO nagpasidaan nga kini nga mga panghitabo nagpakita sa pagtaas sa hulga sa organisadong pirata sa Somali waters ug nag-awhag sa mga barko nga magbantay ug mag-report sa bisan unsang kahibulongan nga kalihokan.
Bisan pa’g mikonhod ang pagpamirata sa Somalia sa miaging dekada, ang bag-ong mga insidente timaan nga kini dakung hulga.
