CAGAYAN DE ORO CITY-Gikompirmar ni Police Supt Michael John Deloso nga gimanduan sila ni PNP chief Dir Gen Ronald de la Rosa nga tangtang na sa ilang serbisyo isip pulis epektibo karong adlawa.
Kini human gimanduan sila ni PO2 Ernesto Galleto nga mo-report sa Camp Alagar aron personal dawaton ang dismissal order tungod sa kasong serious dishonesty ug grave misconduct nga unang gipagawas sa Ombudsman.
Sila si Deloso ug Galleto ang midangop sa Court of Appeals o CA aron mangayo’g tabang nga makabalik-serbisyo tungod sa kasong gipasaka ni Atty Ernie Palanan gumikan sa isyu sa pagpangilkil ug protection money kaniadto.
Samtang namugos si Palanan nga wala siya’y personal nga kasuko batok Deloso ug Galleto.
Kini human unang gikasuhan ni Palanan ang duha ka pulis tungod sa isyu sa pagpangilkil sa ilang hugpong sa transportasyon kaniadto ning syudad.
Sila si Deloso ug Galleto ang giingong personal gitunulan ni Palanan atol sa entrapment operation sa P6-mil nga salapi sulod sa usa ka restaurant hinungdan nasikop sa NBI-10 niadtong Marso 2014.
