CAGAYAN DE ORO CITY – Gikompirmar sa Philippine Drug Enforcement Agency o PDEA 10 nga adunay duha ka negosyanteng Intsik nga may giingong may kambigitan sa illegal drug distribution sa pipila ka suspected druglords ang ubos sa monitoring ning syudad
.Kini human unang gibulgar ni kanhi PDEA Director General Wilkins Villanueva nga anaa sa ilang drug matrix ang pangalan sa usa ka Johnson Chua nga maoy koneksyon sa maong mga Intsik nga nakabase sa dakbayan.
Miingon si PDEA Misamis Oriental Supervisor Expedito Cardona nga dugay na kini nga impormasyon nga wala pa nila makuhai sa lig-ong ebedensiya aron ipaubos sa operasyon.
Gihimo ni Cardona ang pahayag nunot sa pag-atubang ni Villanueva sa hearing sa quadcom diin gi absuwelto niini si Michael Yang nga usa ka druglord sukwahi sa gipamugos sa mga kritiko ni Duterte.
Hisayrang giprangkahan ni Villanueva ang quadcom nga dili sila makabasta-basta’g duso sa kaso batok Yang kon walay ebedensiya kay walay tsansa nga makabarog sa korte.
