CAGAYAN DE ORO CITY – Padayon nga giimbentaryo sa Bureau of Customs- Northern Mindanao ang balor sa duha ka container van sa illegal nga sigarilyo nga nakumpiskar sa Iligan City ug Misamis Oriental.
Miingon si Mindanao Container Terminal port collector John Simon nga gikan sa China ang mga smuggled cigarrettes diin ang usa ka container niini ang nasapon sa Iligan City samtang sa Tagoloan port ang laing usa pa.
Dugang ni Simon nga China brand ang maong sigarilyo diin ginganlan kini’g YF cigarrettes.
Gisuta usab sa ahensya kung kinsa ang tag-iya sa mga smuggled nga sigarilyo aron kasuhan sa pagsupak sa Section 1401 on unlawful importation in relation to Section 1113 and (l) of Republic Act No. 10863 or the Customs Modernization and Tariff Act of 2016.
