CAGAYAN DE ORO CITY – Gipanganti ni Bureau of Customs 10 collector John Simon nga manubag ang utok sa pagpalusot sa duha ka container vans sa imported nga sigarilyo nga nasapon sa pantalan sa Mindanao Container Terminal sa Tagoloan,Misamis Oriental ug Iligan City.
Kini human unang nasapon ang maong mga kontrabando nga tuyo ipalusot gikan sa China alang sa mga Instsik dinhi sa rehiyon.
Miingon si Simon nga sa oras nga mahuman ang imbestigasyon,ipaguba kini sa ilang ahensiya aron dili na mabaligya sa mga merkado ning syudad.
Hisayrang ang maong mga kontrabando ang miabot sa rehiyon sa miagi pang semana ning bulana.
