CAGAYAN DE ORO CITY – Laing duha ka pasyente sa Coronavirus Disease o COVID-19 ang hingpit nang naka-rekober samtang gipaubos sa hospital isolation diha sa Norther Mindanao Medical Center sa syudad.
Kini human nangabot na ang resulta sa ilang throat swab sampling gikan sa kauluhan samtang sila nagpaalim sa NMMC.
Miingon si NMMC Hospital Director Dr Jose Chan nga nakauli na ang maong mga pasyente nga dili residente dinhi sa syudad.
Dugang ni Chan nga may laing tulo pa ka pasyente nga positibo sa COVID-19 sa NMMC nga naghulat pa gihapon sa re-examination sa ilang throat swab sampling.
Hinoon,dili taga-syudad ang mga biktima.
Dumduman nga sukad midawat ang NMMC sa mga pasyente nga positibo sa bayrus,usa pa lamang ang natala nga namatay niadtong Marso 14 ning tuiga.
