CAGAYAN DE ORO CITY – Gikasuhan sa kapolisan sa pagsupak sa Graphic Health Warnings Law o mas ilado nga Akta Republika 10643 ang duha ka personalidad nga aktong nabawian sa inismagol nga sigarilyo atol sa checkpoint operation sa Brgy Samburon,Linamom,Lanao del Norte.
Kini epekto sa pagsanong sa tropa ni Lanao del Norte Police Provincial Office Director Col. Roy Magsalay sa kamanduan ni Police Regional Office 10 Director Brig Gen Ricardo Layug Jr nga ipalig-on ang anti-smuggling operations batok sa tanang kontrabando sa Northern Mindanao.
Namahayag si PRO 10 spokesperson Maj Joann Navarro nga unang nabantayan sa 3rd Platoon 1st Provincial Mobile Force Company ubos sa Lanao del Norte PPO nga kargado sa 15 ka reams sa sigarilyo ang back seat sa sakyanan sa mga suspek nga si alyas Julwin ug Abduraham nga pulos taga- Zamboanga City rason gipahunong.
Walay napresentar nga ensaktong mga papeles rason nga gisusi ang tibuok sakyanan ug nasuta ang dugang 565 ka reams pa sa sigarilyo hinungdang gipang-kompiskar.
Tungod niini,gipangdakop ang duruha nga giingong gikan pa sa Pagadian City ug mosulod unta sa Iligan City aron ikatag ang mga sigarilyo nga dunay kantidad nga halos tunga milyones pesos.
