Gibutyag ni Minister for Education, Science and Technology Sasmit Pokharel nga ang Sabado ug Domingo mahimong opisyal nga holiday ug ipatuman dayon.
Subay sa kasaysayan sa Nepal, usa ra ka adlaw ang ilang weekend ug kini matag Sabado lamang.
Apan tungod sa pagnihit sa suplay sa lana, napugos ang gobyerno nga magpatuman sa ilang contingency measures aron makadaginot ang ilang nasud sa paggamit sa lana.
Epekto kini sa ilang kalisdanan nga makakuha sa suplay sa langis tungod sa gubat sa Middle East.
Una niini ang gabinete usab nakahukom sa pag-andam sa balaod aron mapadali ang pagbalhin sa mga sakyanan nga naggamit fossil fuel ngadto sa electric vehicles.
Ang desisyon usa ka estratehiya aron mapugngan ang epekto sa kakulangan sa petroleum ug mapalambo ang paggamit sa mas limpyo nga teknolohiya.
