CAGAYAN DE ORO CITY-Dili mahinayon ang duha ka adlaw nga transport pahulay sa mga drayber ug operators dinhi sa
rehiyon sa Hunyo 5 ug 6 ning tuig.Subay kini sa nasabutan sa grupong National Confederation of Transport Union o NCTU ug ubang transport groups sa kauluhan kagahapong adlawa.
Matud ni NCTU regional coordinator nga igo lamang sila musunod sa mando sa ilang kadagkuan human nagpasalig si LTFRB chairman Atty Martin Delgra III nga dili una nila ipatuman ang department order nga nagmando nga iphase-out na o dili na ipadagan ang 15 anyos pataas nga mga sakyanan sa nagkadaiyang dalan sa nasud.
Una niini, nagtoo si Gabatan nga nabalaka ang LTFRB sa posibleng epekto sa transport pahulay nga ilang
ipahigayon sa Hunyo 5 ug 6 sa tibook Pilipinas.
Dugtong niini, gikompirmar usab sa Bombo Radyo ni Gabatan nga wala mi-apil sa meeting sa kauluhan ang grupong Starex Piston.
Una nang naghangyo si Dept of Education regional director Dr Allan Farnazo sa transport nga ibalhin ang petsa sa ilang welga aron dili maapektuhan ang pag-abli sa klase sa maong mga adlaw sunod semana.
