CAGAYAN DE ORO CITY- Dili na mapugngan ang ilusad nga duha ka adlaw nga transport strike sa mga pampublikong sakyanan palibot sa syudad sa unang semana sa Hunyo ning tuiga.
Kini aron i-protesta sa transport group ang ipatuman nga modernization program sa gobierno diin apektado ang 15 anyos pataas nga passenger jeep.
Gibutyag ni Boy Cunol,vice chairman sa National Confederation Transport Union Northern Mindanao chapter dili paghatag perhisyo sa publiko ang ilang welga apan pagpadayag sa katungod nila nga gipihig sa gobierno.
Hinoon, posibleng dili muabot sa 100% ang pagsuporta nga makuha sa grupong NCTU sa uban pang transport sektor ning syudad tungod sa ilang nagbahin bahin nga mga idolohiya.
Sa pikas bahin,nanganti usab ang grupong STAREX-Piston Region 10 nga mohimo sila’g inisyal nga transport strike sa sunod semana.
