CAGAYAN DE ORO CITY – Mitahan ang duha ka regular members ug laing kapin 40 ka supporters sa teroristang Dawlah Islamiyah ngadto sa militar sag gobiernong lokal sa Lanao del Sur.
Giila ni 51st IB Brigade Commander Lt. Col Fernando Paya-Paya ang mga mitahan nga si alyas Akmad ug alyas Paris,pulos menor de edad nga naglihok sa Brgy Gacap,Piagapo sa maong lugar.
Dala sa pagtahan sa duruha ang kalibre garand rifle ug 45 nga armas diin pormal sila gidawat sa 103rd Infantray Brigade nga nakabase sa Marawi City.
Gi-surender usab sa terror sympathizers ang laing duha ka garand rifles.
Napugos pagbalik sa gobierno ang maong mga batan-on tungod sa presyur nga gipatuman sa kasundaluhan batok sa nabiling mga sakop sa Dawlah Islamiyah sa maong probinsya.
