CAGAYAN DE ORO CITY – Milusad na sa manhunt operation ang mga operatiba sa Agora Police Station human makasibat ang ikatolong suspek sa nga target nila sa ilang drug buy bust operation sa Brgy. Bugo, ning syudad.
Miingon si Police Major Julius Clark Macariola, hepe sa Agora Police Station nga maoy ilang nadakpan sila Hector Palamine, 29 anyos, DI listed, ug residente sa Zone 5, Bugo.
Kuyog sa pagkasikop ni Palamine si John Michael Llona, 27 anyos, dunay kapuyo ug residente sa maong dapit.
Nakuha sa posisyon sa mga suspek ang balor sa P1,000 nga druga, cellphone nga gigamit sa negosasyon ug marked money.
Hisayran nga ang nadakpan nga si Palamine ug ang nakasibat nga suspek, pulos naka-plea bargaining sa korte, ug nakagawas sa prisohan.
