CAGAYAN DE ORO CITY – Dili una makasuhan ang duha ka drayber nga maoy nagmaneho sa nagkabangga nga Super 5 bus ug freezer wing van diin nag-resulta sa 3 ka pasahero nga nakalas ug laing 32 samaron sa Barangay Maputi,Naawan,Misamis Oriental.
Kini human temporayo unang gibuhian sa kapolisan ang wing van driver nga gi-detiner nila nga si Jolly Pilones kay pabiling wala pa’y kaso nga naduso sa piskalya kabahin sa hitabo.
Gipasabot ni Naawan Police Station commander Major Belmer Alinas nga mihupas na ang mga oras nga gitugot sa balaod sa pagdetiner sa drayber rason nga i-agi na lang sa regular case filing kon dunay kabanay sa mga biktima ang intresado pa mogukod sa bus company ug tag-iya sa wing van.
Siya miingon nga dili usab nila ma-detiner ang bus driver nga si Arnold Allanic kay kinsa pagawas na gikan sa Northern Mindanao Medical Center.
Kini tungod kay naghulat pa sila sa makab-ot nga hukom sa mga pamilya sa namatyan ug samaron sa maong aksidente takdo mag-usa ka semana karong adlawa.
Hinoon,andam na ang mga kaso nga ilang ipasaka batok Pilones ug Allanic ingon man sa mga agalon niini kon walay makab-ot nga panagsabot ang mga nalambigit nga mga partido.
Hisayrang mismo ang bus ang misungag sa wing van hinungdang nahulog kini sa pangpang tungod sa kusog nga impak rason sa kamatayon sa tulo ka pasahero nga pulos nagbaton sa damyos sa ilang mga ulo.
