CAGAYAN DE ORO CITY – Naghulat na lang ang kapolisan sa pipila ka sakop sa banay aron mokumpleto sa mga papeles nga gamiton sa pagpasaka’g kasong kriminal batok sa duha ka drayber nga nagmaneho sa nagkabangga nga Super 5 bus ug freezer wing van sa Purok 1, Brgy Maputi, Naawan,Misamis Oriental.
Gibutyag ni Naawan Police Station commander Major Belmer Alinas nga may pipila sa mga tagtungod sa mga biktima sa dugu-ong ang aksidente ang nagpadayag sa kaikag pagduso’g kaso batok sa bus drayber nga si Arnold Allanic ug wing van drayber nga si Jolly Pilones.
Apan nangayo una’g gamay’ng lugway kay tapuson nila ang pag-atiman ang haya sa mga mahal niini sa kinabuhi nga dead on arrival sa hitabo sa miaging Sabado.
Hisayrang tulo ang diha-dihang namatay nga gilangkuban sa pulos lalaki nga taga-Iligan City ug Misamis Occidental samtang laing 32 ang samaron nga naglakip kang Allanic.
