CAGAYAN DE ORO CITY – Nadakpan sa hiniusang operasyon sa City Drug Enforcement Unit o CDEU sa Malaybalay City Police Station ug Philippine Drug Enforcement 10 ang top provincial drug personality target sa buy bust operation sa Malaybalay City.
Giila ni PDEA 10 regional director Atty Benjamin Gaspi ang dinakpan nga si alyas Edmar,34 anyos nga nagpuyo sa Brgy Casinang sa maong syudad.
Matud sa spot report sa PNP ug PDEA nga nabawian sa 40 gramos nga gitoohang shabu ang suspek diin nagkantidad sa 272-mil pesos.
Kasuhan sa pagsupak sa Comprehensive Dangerous Drugs Act of 2002 ang dinakpan.Sa pikas bahin, nadakpan usab sa laing operasyon sa PNP ug PDEA si alyas Leonardo nga naglihok sa Catarman,Camiguin.
Nakompiskar usab gikan sa dinakpan ang un-gramo sa shabu nga nagkantidad 6-mil 800 pesos.
Susamang pagsupak sa Republic Act 9165 ang atubangon sa suspek sa piskalya.
