CAGAYAN DE ORO CITY-Patay ang duha ka suspected drug pushers nga Tokhang surrenderees atol sa anti-illegal drug buy bust operation sa Purok 4,Barangay San Martin,Villanueva,Misamis Oriental.
Kini human giingong misukol ang mga suspek nga sila si Jessie Borres nga putol ug tiil ingon man ang iyang kauban nga si Michael Cabale nga pulos residente sa maong lugar.
Miingon si Sr Insp Rodney Gaid sa Villanueva Police Station nga napalitan balor P200 nga shabu ang mga suspek apan nakabantay nga pulis ang ilang gika-transaksyon hinungdan nga nahitabo ang pinusilay.
Nalupig ang mga suspek hinungdan nga pulos naigo sa dughan nga naghatod sa ilang kaugalingon.
Nakuha sa posisyon sa mga suspek ang kalibre 22 ug .357 caliber pistol ingon man ang balor P5-mil nga suspected shabu.
Samtang namugos ang igsoon ni Borres nga si Ronnie Borres nga imposible nga makasukol sila batok sa mga pulis.
Namahayag kini nga maglisod na gani’g lakaw ang iyang igsoon apan giduot pa sa mga pulis nga misukol.
