CAGAYAN DE ORO CITY- Nasikop sa kapolisan ang duha ka Maranao-Muslims nga suspek pagpayuhot sa gidiling droga sulod sa usa ka food chain sa Brgy 37 sa syudad kagabii.
Giila ang mga dinakpan nga sila si Halal Boysan ug Intoy Mauna nga temporaryong nagpuyo sa Brgy Nazareth sa dakbayan apan mga lumad taga-Lanao del Norte.
Miingon si Lumbia Police Station commander Sr/Insp Dennis Ebsolo nga nakuha gikan sa mga suspek ang singko gramos nga shabu ug P7-mil pesos cash isip drug buy bust money.
Una niini,gibutyag ni Boysan nga dili tinood nga siya nagbaligya sa shabu kay maoy panginabuhi niya ang pagpamaligya’g ukay-ukay sa syudad.
