CAGAYAN DE ORO CITY- Patay ang duha ka trabahante sa punerarya nga gibanggaan sa ten wheeler truck nga kargado sa chromite sa Brgy Lumbo,Alubijid,Misamis Oriental kaganihang buntag.
Matud ni PO3 Mark Valles sa Alubijid Police Station nga naila ang mga namatay nga sila si Arturo Librada ug Edgar Elarmo nga pulos nagpuyo sa maong lungsod.
Nagpahigayon sa pag-washing sa starex van L300 ang mga biktima dihang gibanggaan sa ten wheeler truck nga gimaneho sa driver nga si Edgar de los Santos hinungdan sa ilang kamatayon.
Gidaro usab sa truck ang pinuy-anan hinungdan nga may mga residente nga nahimong samaron ug anaa sa Northern Mindanao Medical Center.
Si Librada ug Alden Johnson ang mga embalmer samtang si Elarmo ang driver sa Agrida Funeral Parlor sa maong dapit.
Gitumbok sa kapolisan nga nawad-an sa preno ang truck hinungdan sa dugu-ong aksidente.
Samtang manubag sa ilang obligasyon ang tag-iya sa punerarya diin nagtrabaho ang mga biktimang trabahante sa punerarya diha sa Brgy Lumbo,Alubijid,Misamis Oriental kaganihang buntag.
Kini maoy reaksyon sa kapikas nga si Emmy Librada diin kabahin sa namatay ang iyang bana nga si Arturo Librada sa pagbangga sa ten wheeler truck sa maong dapit.
Matud ni Gng Librada nga nagbaton usab sa duha pa ka gagmay’ng anak ang awas niini nga si Elarmo kinsa bana sa iyang anak babaye.
