CAGAYAN DE ORO CITY – Gihimo nga person of interests o POI sa kapolisan ang duha ka empleyado sa pharmacy nga gitulis diha sa Don Carlos, Bukidnon.
Kini human miggawas sa imbestigasyon sa kapolisan nga inside job ang pagtulis sa BUPHARCO pharmacy.
Sumala ni Police Staff Sgt Ruel Soy, imbestigador sa Don Carlos Police Station nga ilang gihimo nga POI ang duha ka empleyado nga nasayod sa password sa vault diin nakuha ang P277,513 nga salapi.
Hisayran nga nahibulong ang mga police kon nganong walay timailhan nga gipugos paglungkab sa mga suspek ang pharmacy ug gikuha pa ang CCTV hard disk sa kompanya.
