CAGAYAN DE ORO CITY-Gi-priso na ang duha ka nagpatoo nga sakop sa miyembro sa rebeldeng New People’s Army o NPA nga unang nasikop sa kapolisan sa merkado Carmen sa syudad.
Kini human pormal nang gitugyan sa Cagayan de Oro City Police Office ang mga dinakpan nga sila si Efren Olita ug Jessiean Bagass nga pulos hingkod ang panuigon sa Surigao City PNP tungod sa ilang nahimo nga atraso dinhi sa syudad.
Unang giilad sa mga suspek ang biktima nga si Dwight David Maratas nga taga- Tandag City,Surigao del Sur pinaagi sa pagpatoo nga sila NPA members ug nangayo’g P10-mil cash.
Apan nangayo’g tabang ang biktima sa Carmen Police Station hinungdan nasikop ang mga suspek pinaagi sa entrapment operation sulod sa merkado ning syudad sa miaging adlaw.
