CAGAYAN DE ORO CITY – Natugaw sa laing magkalahing sunog ang katawhan sa Barangay Kauswagan ug Brgy Gusa ning syudad karong buntag lamang.
Kini human unang nalamoy sa kalayo ang duha ka andanang balay nga gipanag-iya sa magtiayong Legaspi nga nagpuyo sa Zone 2,Brgy Kauswagan.
Sulti sa mga biktima nga dunay kalit mibuto nga posibleng tangke sa gasul ang hinungdan sa pagtumaw sa kalayo.
Nadamyos pag-ayo ang kusina ug ubang bahin sa puy-anan apan wala na kini makakuyanap sa ubang mga silingang balay kay paspas nadasmagan sa mga bombero.
Samtang igo na fireout ang maong sunog,mitubag usab ang gamay’ng pag-ulbo sa kalayo sa pipila ka balay kay nadali pagpalong.
Kini na ang ikalimang hugna sa pag-ulbo sa sunog ning bulana.
Kini tungod kay una nang natigayon ang dakong pag-igo sa kalayo sa kabalayan sa Tambo,Vamenta Boulevard,Brgy Carmen; District 4,Bag-ong Dalan sa Brgy Consolacion sa milabay’ng Sabado ug laing pagka-abo sa pipila ka istraktura sa Ramonal Village,Brgy Camaman-an kagahapon sa adlawon.
