CAGAYAN DE ORO CITY-Nagbaton na sa duha ka bulawang medalya ang Northern Mindanao Regional Athletics Association o NMRRA sa nagpadayon nga Palarong Pambansa 2017 sa Antique.
Kini human nakuha ni Sylvian Faith Abunda nga taga-Lantapan, Bukidnon ang gold medal sa dulang javelin throw.
Si Abunda miingon nga ang iyang determinasyon nga modaug sa maong dula ang inspirasyon aron makuha ang gold medal. Dako’g tabang ang kanunay’ng pagpaminaw sa iyang coach ug training aron mag-kampeon.
Gawas kang Abunda, una nga nakakuha sa gold medal si Jee-An Labasano nga taga Kitam-is,Lunokan, Manolo Fortich human mag-kampeon sa 3,000 meter run.
Sa pagkakaron, 6 na ka medalya ang nakuha sa Northern Mindanao diin 2 ang gold medal samtang 3 silvers ug 7 ang bronze medal.
