CAGAYAN DE ORO CITY – Gipangkasuhan sa pagsupak sa Comprehensive Dangerous Drugs Act of 2002 ang tulo ka targeted personalities nga giingong nalambigit sa illegal nga droga sa Valencia City,Bukidnon.
Gipangdakop pinasikad sa drug buy bust operation ang mga suspek nga sila alyas Fearlie,47 anyos;alyas Aldrin,46 anyos ug alyas Alberto 57 anyos nga pulos nagpuyo sa Valencia City diin sila nabawian sa 7 gramos nga gitoohang shabu nga nagkantidad sa 47-mil 600 pesos.
Miingon si Philippine Drug Enforcement Agency 10 Director Atty. Benjamin Gaspi nga nadiskobre nga si alyas Ferlie ang job order worker sa Valencia-LGU ug empleyado usab sa brgy sa Población si alyas Alberto.
Siya miingon nga napasayon ang pagsignit sa mga dinakpan tungod sa tabang sa nagkadaiyang unit sa Philippine National Police nga nakabase sa Bukidnon.
