CAGAYAN DE ORO CITY – Mag-atubang sa kasong kasupakan sa Comprehensive Dangerous Drugs Act of 2002 ang duha ka empleyado sa provincial government sa Bukidnon.
Kini human nadakpan sa hiniusang operasyon sa Philippine Drug Enforcement Agency ug Philippine National Police ang mga suspek nga tratado nga high value target nga sila alyas Vince ug alyas Topi nga pulos legal ang edad nga nagpuyo sa Bukidnon.
Namahayag si PDEA 10 regional director Atty. Benjamin Gaspi nga nakuha sa ilang mga operatiba gikan sa mga dinakpan ang tres-gramos nga gitoohang shabu nga dunay estimated street value nga 20-mil 400 pesos.
Hisayrang daan na nanganti si Gaspi nga kuhaon nila ang mga personalidad nga anaa sulod sa gobierno nga direktang nalambigit sa ilegal nga droga.
