CAGAYAN DE ORO CITY – Gitakdang kasuhan sa kapolisa ang duha ka high value targets nga unang nabawian sa City Drug Enforcement Unit o CDEU sa halos 7 milyones pesos nga ilegal nga droga sa Sitio Kolambog, Brgy Lapasan ning syudad.
Kini human unang nadakpan ang mga suspek nga sila alyas Emil ug Jovel nga nabawian sa sobra kilo nga shabu sa anti-illegal drug bust operation sa miaging adlaw.
Namahayag si Police Regional Office 10 spokesperson Police Maj Joann Navarro nga dako kini nga kalampusan batok sa grupo sa mga sindikato nga utok sa pagpakuyanap sa ilegal nga droga sa syudad.
Hisayrang kini na ang ikaupat nga kasong may kalabutan sa ilegal nga droga nga atubangon ni alyas Emil sa piskalya ning syudad.
