Giila sa 54 ka kongresista nga miembro sa House Justice Committtee nga ‘sufficient in substance’ ang ikatulo ug ikaupat nga impeachment complaints batok kang Vice Pres Sara Duterte.
Kini human ang tulo ka adlaw nga paglingkod sa komitiba aron tukion ang mga pasangil batok sa bise presidente kung angay bang ipataral siya sa impeachment court nga mao ang senado.
Sa gihimong pagbotar sa komitiba 54 ka magbabalaod ang misulti nga adunay igong basehan ang Saballa et al impeachment ug susamang ihap usab sa Cabrera complain aron tubagon ug depensahan ni VP Sara ang mga pasangil nga gipakang batok kaniya.
Ang mga sumbong nila ni Father Joel Saballa ug Atty Nathaniel Cabrera ang nakalusot sa komitiba diin pulos giila sa mga magbabalaod nga daw adunay sufficient in form ingon man sufficient in substance.
Dumduman nga upat ka impeachment complaints ang naduso sa Kongreso apan ang kang Saballa ug Cabrera ang nakit-an sa mga magbabalaod nga sakop sa komitiba nga adunay igong gimbug-aton aron makatubag si VP Sara.
Nasuta nga mga 55 ka kongresista nga sakop sa komitiba,bugtong si Quezon City 4th District Cong.Jesus Manuel Angel “Bong” Cabochan Suntay lang ang misupak sa duha ka impeachment complaints.
Hisayrang gimanduan usab sa komitiba si VP Sara nga tubagon ang mga sumbong batok kaniya sulod sa napulo ka adlaw gikan sa pagkadawat sa komunikasyon.
