CAGAYAN DE ORO CITY-Gikustodiya na sa National Bureau of Investigation o NBI-10 ang ikatulong bigtime scammer nga gitudlo ni Antonette Sestoso nga mitabla sa minilyong kapital gikan sa mga investor dinhi sa rehiyon.
Kini human unang mipasaka’g kasong large scale swindling ang investors batok Sestoso nga utok sa 1K Turns 1,700 IN JUST 10 DAYS.
Gibutyag ni NBI-10 agents head Atty Alex Caburnay nga kabahin sa sunod-sunod nga mitahan sila si Reah Vallejos ug Welchemin Acosta gumikan sa nagpungasi nga reklamo gikan sa investors nga nakuhaa’g minilyong salapi.
Samtang namugos si nga wala siya’y kwarta nga ibalik gikan sa ilang investors.
Kini human si Acosta usa lamang sa investors ni Sestoso.Gitin-aw ni Acosta nga dili scam ang ilang online investment tungod kay nabikil lamang ang ilang operasyon human daghang investors ang nag-pullout sa ilang gibubo nga salapi.
Dumduman nga si Acosta,gi0turnover sa kapolisan sa NBI-10 kagabii.
Samtang gibulgar sa gi-akusahang scammer nga si Reah Saavedra Vallejos nga usa ka Joey Calye ang nagsilbi nila nga financier sukad nga natukod ang 1K Turns 1,700 IN JUST 10 DAYS investment niadtong tuig 2018.
Namugos si Vallejos nga gikan sa P12 milyon investment, misaka pa sa P20-milyon ang ilang na pay-outs.
Sa pagkakaron, andam si Vallejos nga ibalik ang kwarta sa investors nga nagtoo nga sila nailad.
Subli namugos si Vallejos nga dili scam apan lehitimo ang ilang online investment.
