CAGAYAN DE ORO CITY – Nang-apud-apod na sa dos mil dolyares ang Canadian govt ngadto sa ilang katawhan nga grabeng apektado sa coronvirus disease pandemya sa Canada.
Gibutyag ni Bombo Radyo international news correspondent Joan Palapar nga taga- Cagayan de Oro City nga ang maong ayuda ang kabahin sa tubag sa gobierno aron isalbar kadtong mga apektado sa krisis sa maong nasud.
Apan giklaro usab niini nga bayran gihapon sa mga benepesaryo ang maong kantidad sa oras nga mahupay na ang pandemya.
Sa pikas bahin,mihimog inisyatiba ang international students sa Australia aron matabangan ang mga tawong apektado sa coronavirus pandemic.
Gibutyag ni Hence Lupiba, Bombo international correspondent sa Australia nga lakip sa mga nakapahimulos sa hinabang ang pipila ka Pinoy community sa maong lugar.
Nabati usab nila ang pag-minus sa mga tawong gapanggawas gumikan ang anaa kanunay ang ilang kapolisan nga hugot nga nagbantay.
Samtang gikompirmar sa Cagay-anon nga pito na ka Pinoy ang namatay tungod sa coronavirus disease samtang nanarbaho didto sa Amerika.
Miingon si Van Ranoa nga taga Abellanosa Brgy 17 ning syudad nga nakabase sa New York nga kabahin sa namatay ang ilado nga Cagay-anon photographer nga si Richie Neri Concepcion nga nanimuyo na sa Amerika.
Dugang ni Ranoa nga nag quarantine usab sila sa ilang kaugalingon aron makalikay sa makamatay nga bayrus.
