CAGAYAN DE ORO CITY-Pangita’ag paagi sa lokal nga kagamhanan ni City Mayor Oscar Moreno nga matabangan ang operators nga gapadagan sa mga kolorom nga motorela syudad.
Gihimo ni City administrator Teddy Sabugaa ang pahayag alayon sa ipatuman nila nga pagpangdakp sa kapin 2-mil ka kolorom nga rela sa syudad sugod sa Hulyo 2 ning tuiga.
Mi-saad si Sabugaa sa Bombo Radyo nga dili nila ihikaw ang katungod sa mga nanag-iya sa motorela nga maputlan sa panginabuhian, apan gusto nila nga mahimong “patas sa operators nga naningkamot aron makakuha’g bag-ong taripa nga gi-isyu sa city hall.
Una niini, mibahad si Sabugaa sa mga tig-a nga operators ug rela drivers nga dakpon kon magpadayon sila sa pagpamasada sa mga dili rehistradong mga motorela sa syudad.
Samtang kasuhan sa kriminal ug magbayad sa monetary fine ang jeepney operators nga mupatuman sa usbaw sa pletihan dinhi sa rehiyon.
Kini ang bahad ni LTFRB 10 regional director Allan Guro nunot sa mga report nga dunay mga PUJ driver nga naghinobra pagpangayo’g pletehan sa ilang mga pasahero.
Gitin-aw ni Guro nga pabiling P7 ang regular nga pletihan sa jeep ug walay usbaw sa pletihan sa mga magtutungha ug senior citizen nga naglangkob sa SP.
Gi-awhag sa LTFRB ang tanan reklamante nga i-text sa ilang hotline ang mga tikasan nga kondoktor nga naghinobra ang singil sa pletihan.
