CAGAYAN DE ORO CITY – Gikatag na sa Police Regional Office 10 ang 2-mil ka pulis aron mohatag seguridad sa mga simbahan ug soft target areas sama sa pantalan,tugpahanan ug terminals palibot sa rehiyon.
Kini alayon sa pag-obserbar sa semana santa diin dakong puwersa ang nakatutok sa mga nag-unang mga dakbayan sama Cagayan de Oro ug Iligan.
Miingon si PRO 10 spokesperson Police Maj Joann Navarro nga napahimutang na ang ilang puwersa sa designated areas nga naglakip usab sa pilgrimage sites sama sa bukid sa Malasag ug Berhin sa Guadalupe nga sagad dagsaon sa mga deboto ning semana santa.
Hisayrang gawas sa Malasag sa Brgy Cugman ug Guadalupe nga gitung-an sa kabarangayan sa Tablon,Agusan ug Balubal,daghang pilgrimage sites pa ang makit-an sa Misamis Oriental,Camiguin ingon man sa ubang bahin sa Northern Mindanao region.
