CAGAYAN DE ORO CITY – Gilayong gidala sa Marawi City aron malubong ang patay’ng lawas sa 19 anyos nga ulitawo nga miambak sa Marcos Bridge sa Cagayan de Oro River ning syudad kaganihang buntag.
Giila sa mga personahe sa PCG 10 ang biktima nga si Aquim Raquini nga temporaryong nagpuyo sa Barra,Opol,Misamis Oriental.
Sa pakisusi sa mga otoridad,milakaw ang biktima gikan sa ilang balay kaganihang kadlawon ug pag-abot sa tulay milukso.
Gidali pa pagdala sa ospital ang biktima apan wala na kini maluwas sa mga doktor nga nag-atiman niini.
Nasuta nga nagpakamatay ang biktima tungod sa giingong pagsinati niini sa grabeng depresyon.
Kini ang ikaduhang kaso nga dunay miambak-patay sa Marcos Bridge diin ang una ang usa ka tinun-an nga si John de los Reyes nga naghunos sa iyang kinabuhi pinaagi sa pag-ambak sa mao gihapon nga suba.
