CAGAYAN DE ORO CITY – Patay sa magkalahing higayon ang duha ka beach goers nga gilangkuban sa babayeng senior citizen nga taga-Taguanao,Brgy Indahag ug lalaki nga laborer samtang gisaulog ang Easter Sunday kagahapong adlawa.
Giila ang unang biktima nga si Adelfa Labrador,67 anyos,minyo nga nalumos samtang naligo sa Isidro’s beach resort sa Brgy Tubigan,Initao,Misamis Oriental.
Gibutyag ni Initao Municipal Disaster Risk Reduction and Management Office o MDRRMO head Lyndon Dapanas nga posibleng kalit gi-atake sa sakit ang biktima samtang mihimo sa paghulom sa dagat.
Samtang sa pikas bahin,patay usab ang 39 anyos nga naila lang sa pangalang Victor nga naligo sa suba sa Purok 3-A,Brgy San Juan,Gingoog City ning lalawigan.
Sa pagkakaron,pulos gi-imbestigaran pa sa kapolisan ang duha ka kaso sa pagkalumos sa probinsya.
