CAGAYAN DE ORO CITY-Nakit-an apan pulos nang patay ang duha ka menor de edad nga nangalumos samtang naligo ilawom sa Zone 4, Brgy Kauswagan ning syudad kagahapong adlawa.
Kini human nakit-an sa pipila ka residente ang paglutaw sa mga biktima nga sila si Muamer Arion,13 anyos nga taga-Kauswagan ug Benjie Saarenas 16 anyos nga taga-Brgy Bonbon nga pulos nakabase ning syudad.
Gibutyag Urban Search and Rescue o USAR Team leader John Navarro nga gilauman na nila nga molutaw ang mga biktima tungod kay nag-abot na ang 24 oras gikan sa pagkalumos niini.
Una nang gitabanga’g pangita sa USAR ug Philippine Coast Guard-10 ang duruha gikan sa ilang pagkawala apan pakyas nila kining makit-an kagahapong adlawa.
Si Arion ang gilayong gidala sa iyang pamilya sa Marawi City.
