CAGAYAN DE ORO CITY-Ikaatbang ni incumbent City Mayor Oscar Moreno sila si Macasandig Brgy Kag Richard Nixon Baban ug media practitioner Ben Contreras sa 2019 midterm elections sa syudad.
Kini human kompirmaha ni City Election Officer Atty Ramil Acol ang pagduso nila ni Baban ug Contreras sa ilang sertipiko de kandidatura sa piliay sunod tuig.
Miingon si Acol nga hayan modaghan pa ang ihap sa mga gusto mokandidato sulod sa lima ka adlaw nga gihatag kanila nga makaduso sa certificate of candidacy.
Namugos si Baban nga napasagdan ni Moreno ang proteksyon sa kinaiyahan sa syudad.
Kini ang hinungdan nga nangursada si Baban nga modagan pagka-mayor.
Miingon si Baban nga may mga nahimo usab nga daghang programa si Moreno apan wala niini mabalanse ang paghatag panalipod sa kinaiyahan hinungdan miduso kini sa iyang sertipiko de kandidatura kaganihang buntag.
