CAGAYAN DE ORO CITY-Namugos ang PNP nga walay kumpirmadong kaso sa abduction nga natigayon sa syudad.
Kini bisan nga dunay gihuptan ang National Commission on Muslim Filipinos o NCMF-10 nga unom ka kaso sa gitoohang abduction sa estudyanteng mga Maranao ug Tausog sa dakbayan.
Miingon si Supt Mardi Hortillosa, tigpamaba sa Cagayan de Oro City Police Office o COCPO nga dunay duha ka kaso nga kamulo giimbestigaran ang kapolisan apan gihulat pa ang kumpirmasyon niini.
Una nang mikatag ang report nga may mga suspect sa kidnapping sa ubang lugar sa Mindanao nga nadakpan sa syudad sa miaging semana.
